Lough Tay yw un o'r mannau mwyaf eiconig yn Iwerddon - a'r un sy'n ymddangos fwyaf mewn lluniau. Ac nid yw hyn yn syndod. Yng nghanol Mynyddoedd Wicklow, yn gorwedd ar waelod dyffryn rhewlifol trawiadol, ceir llyn sydd mewn rhyw ffordd ryfedd yn ymdebygu i gynnyrch enwocaf Iwerddon. Mae dŵr mawnog tywyll y llyn, ynghyd â'i siâp hirgrwn a'i draeth o dywod gwyn, yn gwneud i Lough Tay edrych ychydig yn debyg i beint enfawr o Guinness. Mae'r llyn yn rhan o ystâd y Luggala, sydd ers blynyddoedd lawer yn eiddo - fel y byddwch fwy na thebyg wedi dyfalu - i'r teulu Guinness. Cawsant dywod gwyn wedi'i fewnforio i roi i'r llyn ei wedd unigryw. Felly, caiff Lough Tay hefyd ei adnabod fel y ‘Llyn Guinness’